Студенттік клубтар

• Студенттердің бос уақытын тиімді ұйымдастыра отырып, оларды азаматтық-патриоттық рухта тәрбиелеуге бағыттайтын Жастар саясаты орталығы университетте жастардың жан-жақты дамуына арналған түрлі мәдени-рухани, танымдық, әлеуметтік, спорттық және шығармашылық іс-шараларды ұйымдастырады.

  Орталық университет басшылығы мен студент жастар арасындағы өзара байланысты нығайтып, студенттердің бастамаларын қолдауға және олардың әлеуметтік белсенділігін арттыруға бағытталған жүйелі жұмыстар жүргізеді.

  Орталықтың басты мақсаты: Білім беру мекемесінде жоғары адамгершілік әлеуеті, жауапкершілігі жоғары, әлеуметтік құзыретті, белсенді өмірлік ұстанымы бар жастар санын арттыру.

  Студенттердің:

  • оқу үдерісін ұйымдастыруға қатысуына,
  • бос уақытын тиімді әрі нәтижелі өткізуіне,
  • қоғамдық бастамаларға белсенді араласуына,
  • көшбасшылық, дербестік, әлеуметтік жауапкершілік қабілеттерін дамытуына жағдай жасау.
  • Сонымен қатар орталықтың маңызды міндеті – адамгершілік, рухани құндылықтар негізінде болашақ жас мамандарды тәрбиелеу, жастардың жеке және кәсіби өсуіне қажетті әлеуметтік маңызды құзыреттерді қалыптастыру.
  • Жастар саясаты орталығы келесі бағыттар бойынша жүйелі жұмыс жүргізеді:
  • Қазақстандық патриотизмді дамыту, ұлттық құндылықтарды нығайту;
  • Құқықтық мәдениетті қалыптастыру, сыбайлас жемқорлыққа қарсы иммунитет қалыптастыру;
  • Салауатты өмір салтын насихаттау, студенттер арасында дене шынықтыру мен бұқаралық спортты дамыту;
  • Ұлттық спорт пен ұлттық ойындарды кеңінен дәріптеу;
  • Студенттердің шығармашылық қабілеттерін арттыру, мәдениет пен өнерге баулу;
  • Әлеуметтік көмек көрсету, түрлі өмірлік жағдайларда студенттерге қолдау білдіру;
  • Білім алушылардың құқықтары мен заңды мүдделерін қорғауға жәрдемдесу;
  • Студенттік өзін-өзі басқару ұйымдарының жұмысына қатысу;
  • Студенттік кеңес, факультет декандары мен өзін-өзі басқару төрағаларын сайлауға атсалысу;
  • Жастар саясатын қалыптастыру мен іске асыру бойынша іс-шаралар әзірлеу;
  • Зияткерлік, инновациялық, шығармашылық әлеуетті жүзеге асыруға қолайлы жағдай жасау.
  • Қазақ ұлттық қыздар педагогикалық университетінде жастардың жан-жақты дамуына бағытталған 18-ден астам белсенді студенттік ұйымдар жұмыс істейді. Олар жастарды рухани, зияткерлік, патриоттық, мәдени, шығармашылық, спорттық және әлеуметтік тұрғыда дамытуға зор үлес қосып келеді. Атап айтқанда:
  • «Қыз Жібек» клубы – ұлттық тәрбие, мәдениет пен салт-дәстүрді насихаттайтын, жан-жақты дамыған қыздарды қалыптастыруға бағытталған;
  • «SANALY urpaq» клубы – адалдық, жауапкершілік және сыбайлас жемқорлыққа қарсы мәдениетті қалыптастырады;
  • «Парасатты НЛО» дебат клубы – студенттердің шешендік өнерін шыңдап, сыни ойлау дағдыларын дамытады;
  • «Жасыл Ел» еңбек жасағы – жастарды жұмыспен қамту, елді мекендерді көгалдандыру және экологиялық мәдениетті қалыптастырумен айналысады;
  • «Жастар рухы» жастар қанаты – елжандылықты, көшбасшылықты, әлеуметтік жауапкершілікті дамытады;
  • «Ақ қауырсын» әдебиет жанашырлары клубы – жастардың әдебиетке, рухани құндылықтарға қызығушылығын арттырады;
  • «Серт» студенттік қоғамдық жасағы – құқықбұзушылықтың алдын алу, қоғамдық тәртіпті қамтамасыз етуге атсалысады;
  • «Enactus QYZPU» ұйымы – кәсіпкерлік ойлау, әлеуметтік жобалар мен бизнес бастамаларды дамытуға бағытталған;
  • «Jastar Media» ұйымы – университеттің ақпараттық-насихат жұмыстарының негізгі орталығы;
  • «Волонтерлер лигасы» ұйымы – волонтерлік қозғалысты дамыту, әлеуметтік көмек көрсету;
  • «QyzPU-Tour» ұйымы – туризм, патриоттық тәрбие, табиғатты тану бағытында жұмыс істейді;
  • «QyzPU патриоттары» ұйымы – ұлттық сана мен елге сүйіспеншілікті қалыптастыратын негізгі ұйым;
  • «Royals» клубы – өнер, мәдениет, шығармашылық бағыттағы жастардың басын біріктіреді;
  • «Тұрақты даму» ұйымы – экологиялық, әлеуметтік жауапкершілік пен орнықты даму мақсаттарын жүзеге асырады;
  • «NAZAR Podcast» – университет өмірін заманауи форматта таныстыратын ақпараттық платформа;
  • «Vision Woman» – қыздардың көшбасшылық қасиеттерін, стиль мен этикет мәдениетін дамытады;
  • «Healthy Life» – салауатты өмір салтын насихаттайды;
  • «Ашық жүрек» волонтерлар ұйымы – қайырымдылық пен әлеуметтік қолдау бағытында жұмыс жүргізеді.
  • Жаңа ортаға тез бейімделу, позитивті көзқарас, оптимистік рух пен белсенді өмір салты – университет студенттік өмірінің айқын көрінісі. Жастар саясаты орталығы мен студенттік ұйымдар жастардың:
  • қоғамдық белсенділігін арттыруға,
  • азаматтық ұстанымын қалыптастыруға,
  • бәсекеге қабілеттілігін көтеруге,
  • рухани байлығы мен зияткерлік дамуына ықпал ететін барлық қажетті жағдайларды қамтамасыз етеді.

  

  Студенттік өзін-өзі басқару ұйымдары мен клубтары

  №	Ұйымның атауы	Логотип	Мақсаты	Әлеуметтік желідегі парақшалары
  1.	«Тұрақты даму»		Бұл кедейлік пен кедейлікті жоюға, теңсіздік пен әділетсіздікке қарсы тұруға, сондай-ақ планетаны қорғауға және барлық адамдар үшін бейбітшілік пен гүлденуді қамтамасыз етуге бағытталған жаһандық деңгейде қабылданған мақсаттар.	@tyraqty.damu.qyzpu
  2.	«Ақ қауырсын» әдебиеттанушылар		Қазақстан Республикасы жастарының әдебиетке қызығатын ортасын қалыптасырып, жан-жақты дамуымен түрлі саладағы қазақи әдеби орта құру	@aqqauyrsyn_qyzpu
  3.	«QYZPU патриоттары»		Елін сүйген, тілі мен мәдениетін құрметтеген, бәсекеге қабілетті, ұлтжанды, қазақтың болашақ зиялы элитасы болатын жастарды қалыптастыру.	@qyzpu_patriottary
  4.	«Ашық жүрек» волонтерлар ұйымы		Ашық жүрек -жақсылық жанашыларының жүрегін біріктіретін ұйым.	@aj_qyzpu
  5.	«Jastar media»		Ақпараттық-насихаттық, шығармашылық бағыттағы ұйым	@jastarmedia.qyzpu
  6.	«Жастар Рухы» ЖҚ		Сапалы білім алуға ынталы, өзін-өзі жетілдіруге ұмтылатын, өзінің және елінің болашағы үшін жауапкершілікті терең сезіне отырып, біздің құндылықтарымыз бен қағидаттарымызға ортақтасатын әрбір жас қазақстандық патриоттың мүддесін білдіру және қолдау	@jastarruhy_qyzpu
  7.	«Жасыл- ел» еңбек жасағы		Жастарды жұмыспен қамту және елді мекендердің айналасын жасыл желекпен көмкеру, жастардың күшімен елімізді көгалдандыру, көркейту, сонымен қатар жастардың Отанға, жерге, табиғатқа деген махаббатын, патриоттық сезімін ояту.	@qyzpu.zhasylel
  8.	«ҚызЖібек»		«Қыз Жібек» клубы Қазіргі қоғамдық ортада азаматтық ұстанымдары бар,  алған білімін тәжірибе жүзінде ұштастыра білетін, парасатты, салт-дәстүр мен мәдениетті дәріптейтін, бүгінгі өмірге бейім, шынайы жан-жақты дамыған қыздарды қалыптастыру бағытындағы жастар ұйымы	@qyz_jibek_qyzpu
  9.	«Парасатты НЛО» пікірсайыс ұйымы		Студенттердің шешендік сөйлеу және көпшілік ортада өзін- өзі ұстау мәдениетін қалыптастыру. Қоғамдық әлеуметтік мәселелерді жастар ойымен талқыға салып шешу жолдарын қарастыратын ұйым	@parasattynlo
  10.	«Sanaly Urpaq»		Сыбайлас жемқорлықтан таза елімізде өмір сүруге бағытталған, аса өнегелі, жауапты, ынталы, әлеуметтік жағынан білікті және өз елінің патриоты болатын тұлға қалыптастыру	@sanaly.urpaq_qyzpu
  11.	«Серт ПКСО»		Жастар арасындағы құқықбұзушылықтың алдын алу және болдырмау, адамгершілік пен құқықтық мәдениетті арттыру	@sert_qyzpu
  12.	«Enactus QYZPU» ұйымы		Кәсіпкерлік тәсіл арқылы адамдардың өмірін жақсы жаққа өзгертетін түрлі жобаларға қатысу; Инновациялармен бизнес қағидаттарын енгізу арқылы жастарды кәсіпкерлікке тарту, қоғамның әл-ауқатын арттыру	@enactus.qyzpu
  13.	«Qyzpu-Tour» ұйымы		Туризмнің белсенді түрлері арқылы рухани, патриоттық білім деңгейін көтеру, сондай-ақ жаратылыстану саласында базалық білім алу	@qyzpu_tour
  14.	«Royals» клубы		Ортақ қызығушылықтары бар студенттерді біріктіру және жеке хоббилерін дамыту, олардың арасында жылы достық қарым-қатынас орнату, өнердің әртүрлі салаларында мәдени-қоғамдық жұмыстарды ұйымдастыру, университет ішілік іс-шараларға белсенді қатысу.	@qyzpu_royals_club
  15.	«Қазақстан Студенттер Альянсы»		Студент қыздарды біріктіріп, олардың құқықтарын қорғау, көшбасшылық және ұйымдастырушылық қабілеттерін дамыту, сонымен қатар әлеуметтік және қоғамдық белсенділіктерін арттыру	@qsa_qyzpu
  15.	«NAZAR podcast»		Реальное и интересное освещение университетской жизни, предоставление полезной информации и мотивации.	@nazar_podcast_qyzpu
  17.	«Vision Woman»		Стиль мен этикет арқылы өзін-өзі таныту мәдениетін қалыптастыру, білім мен дағдыларын жетілдіріп, нетворкинг арқылы қыздарды көшбасшы ретінде тәрбиелеу және қоғамдағы мүмкіндіктерін кеңейтуге үлес қосу.	@vision_woman_qyzpu
  18.	«Healthy life»		Cалауатты өмір салтын насихаттап, денсаулықты сақтау мен дұрыс әдеттерді қалыптастыруға бағытталған ұйым.	@qyzpu_healthylife