Адамзаттың ақылманына айналған Абай Құнанбайұлының 175 жылдығына орай «Абай әлемі» атты республикалық студенттік өнер фестивалі өтеді.
Жалпыұлттық байқау «Абайдың өлеңдері», «Абайдың қара сөздері», «Абай әндері», «Абай – әлем тілдерінде» және «Абай әлемі сурет өнерінде» кезеңдері бойынша ұйымдастырылмақ.
Фестивальға қатысу үшін іріктеу кезеңі Қазақ ұлттық қыздар педагогикалық университетінде 30-31 қазанда өткізіледі. Аталған аталымдар бойынша ұсынылған бейне түсірілімдер a.bitanova@mail.ru электронды поштасына 30 қазан күні сағат 15:00-ге дейін жіберілуі тиіс.
Іріктеу кезеңінің әрбір номинациясы бойынша жеңімпаздар 2020 жылдың 4-5 желтоқсан күндері аралығында Абай атындағы Қазақ ұлттық педагогикалық университетінде өтетін «Абай әлемі» жалпыұлттық студенттік өнер фестивалінің ақтық кезеңіне қатысады.
Байқаудың жүлде қоры:
Бірінші орын – 200 000 теңге.
Екінші орын – 100 000 теңге.
Үшінші орын – 75 000 теңге.
Дипломант – 50 000 теңге.
«Абай жүлдесі» номинациясы – 50 000 теңге.
Ынталандыру сыйлығы – 30 000 теңге.
«Абай әлемі» жалпыұлттық студенттік өнер фестивалі туралы толығырақ мәліметпен мына жерден таныса аласыз.
Баспасөз және қоғаммен байланыс бөлімі
