Кездесудің негізгі мақсаты — студенттерге ғылыми мақала жазудың құрылымы, талаптары мен негізгі қағидалары туралы түсінік беру, сондай-ақ ғылыми жұмыс жүргізудің маңызын жеткізу болды.
Спикер өз тәжірибесімен бөлісіп, ғылыми зерттеу жүргізу жолдары мен мақаланы дұрыс рәсімдеу бойынша практикалық кеңестер ұсынды.
Іс-шараның спикері — ғылым кандидаты, профессор м. а. Азимбаева Гулбайра Ералиевна.
Кездесу барысында қатысушылар өздерінің сұрақтарын қойып, ғылым жолындағы алғашқы қадамдар туралы нақты ақпарат алды. Іс-шара«Зерде» өзін-өзі басқару ұйымының ұйымдастыруымен ғылыми қызметке қызығушылық танытатын студенттер үшін ұйымдастырылды.
