АЛМАТЫ. 30 тамыз. Баспасөз орталығы – Қазақ ұлттық қыздар педагогикалық университетінің Басқарма төрағасы – Ректор Гүлмира Қанай оқу орнының ұжымы мен студенттерін Қазақстан Республикасының Конституциясы күнімен құттықтады.
Құрметті әріптестер!
Қымбатты студенттер!
Баршаңызды отандастарымыз үшін маңызы аса зор мереке – Қазақстан Республикасының Конституциясы күнімен құттықтаймын!
Осыдан 26 жыл бұрын жалпыхалықтық референдумда қабылданған Ата Заңымыз Қазақстан Республикасының зайырлы, құқықтық жəне біртұтас мемлекет ретіндегі базалық негізін қалады.
Ата-бабалар армандаған азаттығымызды айқындап, тәуелсіздігімізді танытатын Конституция егемендіктің берік тірегіне, табысты дамуымыздың жəне Қазақстанның халықаралық деңгейдегі биік беделінің кепіліне айналды.
Ата Заң еліміздің басты құндылықтары ретінде келісім мен тұрақтылықты, қоғамдық-саяси бірлікті қалыптастырды. Конституциямыз Қазақстанның əлемнің озық 30 елінің қатарына қосылуы жолында жаңғыру үдерісін одан əрі қарқынды іске асырудың, демократиялық бастамаларымызды нығайтудың, азаматтардың əл-ауқатын көтерудің жəне қоғамды біріктірудің маңызды факторы болып саналады.
Баршаңызға шынайы көңілден бейбіт өмір, толымды табыс жəне баянды бақ-береке тілеймін!
Ізгі ниетпен: Гүлмира Қанай,
Қазақ ұлттық қыздар педагогикалық университетінің Басқарма төрағасы – Ректор
Маркетинг және коммуникациялар департаменті
Байланыс телефоны: +7 727 237 00 07
e-mail: mar.com@qyzpu.edu.kz
