АЛМАТЫ. 28 қазан. Баспасөз орталығы – «Қазақстанның жаңа мамандықтары мен құзыреттерінің атласы» негізінде 2030 жылдан кейін пайда болатын болашақтың 9 мамандығы анықталды. Біз бүгін жаңа мамандықтарды таныстырамыз:
1. Иммерсивті дизайнер.
Бағыты: Туризм. Туристерді имитацияланған жасанды әлемге саяхат жасауға мүмкіндік беретін шоулар немесе саяхаттар жасайтын маман.
2. Агротехник.
Бағыты: Ауыл шаруашылығы. Гендік модификация және селекция көмегімен ауылшаруашылық өсімдіктері мен жануарлардың жаңа сорттарын өсірумен айналысады.
3. Сандық егіздердің дизайнері.
Бағыты: Көлік және логистика. Көлік және логистикалық нысандардың виртуалды үлгілерін IT мамандарымен бірге жобалайды және әзірлейді.
4. Ұшқышсыз трафикті оңтайландырушы.
Бағыты: Көлік және логистика. Маман ITS көмегімен ұшқышсыз көліктердің ағындарын үйлестіруді қамтамасыз етеді, олардың өзара әрекеттесуін бақылайды, инфрақұрылымға түсетін жүктемені талдайды.
5. Виртуалды прототип жасау жөніндегі маман.
Бағыты: Машина жасау. Өнімдер мен технологиялық процестердің виртуалды прототипін жасаумен айналысатын маман.
6. Сандық өрістердің егіздерін жасау бойынша инженер-конструктор.
Бағыты: Мұнай және газ. Сандық егіз нақты өрістегі әртүрлі өзгерістерді модельдеуге мүмкіндік береді.
7. Құрылыс қалдықтарын өңдеу жөніндегі инженер-технолог.
Бағыты: Құрылыс. Құрылыс қалдықтарының құрамын талдайды және тиісті қалпына келтіру немесе қайта өңдеу технологияларын таңдайды.
8. Киберадвокат.
Бағыты: Ақпараттық технологиялар. Сандық кеңістікте, виртуалды және аралас шындықта клиентке жан-жақты құқықтық қорғауды қамтамасыз етеді.
9. Кванттық криптолог.
Бағыты: Ақпараттық технологиялар. Ол кванттық желілердегі деректерді ұстап алу және қорғау, кванттық шифрлауды алгоритмдеу және автоматтандыру мүмкіндіктерін зерттейді.
Маркетинг және коммуникациялар департаменті
Байланыс телефоны: +7 727 237 00 05
e-mail: qyzdar_universitety@qyzpu.edu.kz
