АЛМАТЫ. 20 желтоқсан. Баспасөз орталығы – 2021 жылғы 13 – 16 желтоқсан аралығындағы аптаның айтулы оқиғалары.
13.12.2021
НҰР-СҰЛТАН
– Елордада «Көшбасшылық. Тұрақтылық. Өрлеу» атты Халықаралық ғылыми-практикалық конференция өтті. Қазақстанның мемлекет ретінде құрылуының табысты тәжірибесі талқыланған алқалы жиынға танымал халықаралық саясаткерлер, мемлекет және қоғам қайраткерлері, ғылыми-зерттеу институттарының басшылары қатысты. Конференцияның «Тәуелсіздіктің бағдары мен белестері» пленарлық отырысында Университеттің Басқарма төрағасы – Ректор Гүлмира Қанай ана мен баланы қолдау, гендерлік саясатты дамыту, сондай-ақ жастардың рөлі туралы баяндама жасады.
*****
АЛМАТЫ
– Қайырлы күн, достар! Бүгін Университетте сессия басталды! Қысқы емтихандар онлайн форматта өткізіледі.
14.12.2021
АЛМАТЫ
– «Азаттық. Атажұрт. Алматы». Бүгін осындай тақырыппен Қазақ ұлттық қыздар педагогикалық университетінде белгілі қылқалам шебері, Қазақстан суретшілер Одағының мүшесі, ҚР Көркем Академиясының академигі Марат Тұрғымбайдың жеке сурет көрмесі ашылды.
******
АЛМАТЫ
– Қазақстан Тәуелсіздігінің 30 жылдығы қарсаңында Қазақ ұлттық қыздар педагогикалық университетінің бір топ оқытушысы мерекелік марапаттарға ие болды. Наградаларды оқу орнының Директорлар кеңесінің төрағасы Омархан Өксікбаев табыстады. Сондай-ақ рәсім барысында Университеттің Басқарма төрағасы – Ректор Гүлмира Қанай оқу орны ұжымына алғысын білдіріп, олардың маман даярлаудағы сүбелі үлесін атап өтті.
****
АЛМАТЫ
– Ел Тәуелсіздігінің 30 жылдығы Қазақ ұлттық қыздар педагогикалық университетінде кең көлемде аталып өтілді. Ұлық мереке қарсаңында оқу орнында «Ұлы дала әуені» көрмесі ашылды. Оған Кәсіптік білім кафедрасының профессор-оқытушылары мен «Кәсіптік оқыту» мамандығында оқитын студенттердің 50-ге жуық шығармашылық жұмысы қойылған.
15.12.2021
АЛМАТЫ
– Қазақ ұлттық қыздар педагогикалық университетінің Басқарма төрағасы – Ректор Гүлмира Қанай оқу орнының дамуына қосқан зор үлесі мен белсенді қызметі үшін бірқатар профессор-оқытушы мен қызметкерді «Алғыс хатпен» марапаттады.
16.12.2021
АЛМАТЫ
– Қазақ ұлттық қыздар педагогикалық университетінің Басқарма төрағасы – Ректор Гүлмира Әмірханқызы Қанай оқу орны ұжымы мен білім алушыларын Тәуелсіздік күнімен құттықтады.
МЕДИА
Маркетинг және коммуникациялар департаменті
Байланыс телефоны: +7 727 237 00 05
e-mail: qyzdar_universitety@qyzpu.edu.kz
