АЛМАТЫ. 19 ҚАҢТАР. БАСПАСӨЗ ОРТАЛЫҒЫ – Қайырлы күн, студент! COVID-19 инфекциясының таралуын алдын-алу және QyzPU білім алушысының қауіпсіздігін қамтамасыз ету мақсатында көктемгі семестрдің ұйымдастырылуы туралы келесідей маңызды ақпаратымызбен бөлісеміз:
• Көктемгі семестрдің басталуы – 2022 жылғы 24 қаңтар (бакалавриат, магистратура және докторантура деңгейлері бойынша);
• 24 қаңтар мен 7 ақпан аралығында сабақтар онлайн форматта өтеді;
• 7 ақпаннан бастап сабақтар оффлайн форматта басталады деп күтілуде (Алматы қаласындағы эпидемологиялық жағдайға байланысты өзгеруі мүмкін);
• Бакалавриаттың 1,2,3 курс студенттерін жатақханаға орналастыру 5-6 ақпан аралығында жүргізіледі деп жоспарлануда;
• Жатақханадағы босаған орындар вакцинаның 2 бөлігін алған, әлеуметтік жағдайы төмен, риск топқа кірмейтін студенттерге беріледі;
• Риск топқа вакцина алуға рұқсат берілмеген медициналық босатуы бар, өзі немесе жанұясы карантиндегі студенттер кіреді;
• Аяғы ауыр, жаңа туылған сәбиі бар, кәмелеттік жасқа толмаған студенттерге Pfizer вакцинасы қойылуда.
Біздің күшіміз – БІРЛІК, ӨЗАРА ТҮСІНІСТІК пен бір-бірімізге деген ҚОЛДАУЫМЫЗДА.
Өзіңізді және жақындарыңызды қорғаңыз!
Біз Сізбен біргеміз!
Қамқорлықпен, QyzPU
Коммуникация және маркетинг департаменті
Байланыс телефоны: +7 727 237 00 05
e-mail: qyzdar_universitety@qyzpu.edu.kz
