2025–2026 оқу жылының көктемгі семестрінде Түркиядағы серіктес университеттерде білім алу үшін академиялық ұтқырлық бағдарламасы аясында студенттерді іріктеу басталғанын хабарлаймыз.
Академиялық ұтқырлық — шетелде бір семестр оқып, жаңа білім мен тәжірибе жинауға, кәсіби көкжиегіңізді кеңейтуге және халықаралық ортада дамуға берілетін бірегей мүмкіндік.
Іріктеуге қатыса алады:
- 2–3 курс студенттері (міндетті педагогикалық практикасы болмауы тиіс);
- GPA көрсеткіші 3.5-тен жоғары студенттер.
Тіл талабы:
- Түрік тілін B1–B2 деңгейінде меңгеруі міндетті;
- Түрік тілі деңгейін растайтын сертификат талап етіледі;
- Үміткер саны жоспардан көп болған жағдайда сертификаты бар студенттерге басымдық беріледі.
Өтінім беру тәртібі:
Сұхбатқа дейін төменде көрсетілген формаға барлық қажетті құжаттарды дұрыс форматта жүктеп, өзіңіздің байланыс ақпаратыңызды нақты әрі толық толтыруыңыз қажет. https://forms.gle/pTRRL58hwyc8QKHo6
Қажетті құжаттар:
- Жарамды шетелдік паспорт (загранпаспорт);
- Ағымдағы транскрипт;
- Жеке оқу жоспары (ағылшын тіліндегі нұсқасы);
- Түрік тілі деңгейін растайтын сертификат.
Іріктеу күні мен уақыты: 6 желтоқсан 2025 ж. (сенбі), сағат 10:00-де
Өтетін орны: Бөгенбай батыр көшесі, 142, Қайсар оқу корпусы, 5-қабат
Сұрақтар бойынша:
Халықаралық ынтымақтастық бөлімінің аға менеджері — Нұртаза Айдана Нұралықызы
