Педагогикалық серпіліс: QyzPU қабырғасында «Орталық Азиялық Erasmus» пен білім беруді цифрлық трансформациялау бастау алады2026 жылғы 25–26 қыркүйекте Қазақ ұлттық қыздар педагогикалық университеті (QyzPU) ауқымды IV Орталық Азия неміс тілі мұғалімдері мен оқытушыларының форумын қабылдайды.
Бұл айтулы басқосудың дәл осы қара шаңырақта өтуінің мән-мағынасы зор: еліміздің бас ұстаздар ұстаханасы ұлттық стандарттар мен озық халықаралық тәжірибені ұштастыра отырып, неміс тілі мұғалімдерін даярлаудың жаңа бағытын ашуда.
Мәртебелі шара Германия,Австрия, Орта Азия елдерінің дипломаттарын, DAAD пен Гёте-Институт сарапшыларын, сондай-ақ аймақтағы және ГФР-дің жетекші жоғары оқу орындарының (Ruhr университеті, Erfurt университеті) көрнекті ғалымдарының басын қосады.
Форумның үш басты жетістігі:
- Сапа кепілі ретіндегі «Орталық Азиялық Erasmus»: Отандық білім беру саласын әлемдік кеңістікке толыққанды кіріктіруді қамтамасыз ететін өңірлік академиялық ұтқырлық желісін құру, қос диплом бағдарламаларын іске қосу және Германия университеттерімен академиялық кредиттерді тікелей тану.
- Жасанды интеллект және цифрлық орта: Генеративті жасанды интеллектіні, медиадидактиканы және еуропалық компьютерлік сертификаттауды мектептер мен университеттердің оқу үдерісіне кіріктіру бойынша арнайы шеберлік сабақтары.
- 2030 жылға дейінгі стратегия: Аймақтық бесжылдық Жол картасына қол қою және педагогикалық кадрлар тапшылығын түбегейлі шешуге бағытталған «Deutsch für Kasachstan» инновациялық оқулықтар желісін енгізу.
QyzPU төрінде өтетін бұл форум классикалық әдістемеден жоғары технологиялар мен халықаралық ықпалдастыққа ұласқан тілдік білім берудің біртұтас өңірлік бағдарын айқындайды.
Өтетін орны: Алматы қ., Гоголь көшесі, 114, QyzPU ғимараты.
БАҚ үшін аккредиттеу: +7 701 782 28 82 | m.tankibay@gmail.com
