Қазақ ұлттық қыздар педагогикалық университетінде «Парасатты педагог – парасатты орта» апталығы аясында «Парасатты қарым-қатынас» тақырыбында психологиялық тренинг пен шеберлік сабағы ұйымдастырылды.
Іс-шараның мақсаты – өзара сыйластық мәдениетін қалыптастыру, тиімді қарым-қатынас дағдыларын дамыту, бір-бірін тыңдау және түсіну қабілеттерін жетілдіру, сондай-ақ кәсіби ортада ізгілік пен парасаттылық қағидаттарын нығайту.
Іс-шараға Сағадат Нұрмағамбетов атындағы Құрлық әскерлерінің әскери институтының өкілдері қатысты.
Кездесу барысында қатысушылар психологиялық жаттығулар орындап, қарым-қатынастағы сенім, эмпатия және өзара қолдаудың маңызын тәжірибе жүзінде түсінді. Бастама жастардың тұлғалық дамуына ықпал етіп, адамгершілік құндылықтарға негізделген орта қалыптастыруға бағытталды.
