Shakhmardan Yessenov Foundation 2027 жылы әлемнің жетекші ғылыми-зерттеу зертханаларында 90 күнге дейін тағылымдамадан өтуге арналған 10 грант бойынша байқау жариялайды.
Кімдер қатыса алады?
Қазақстан азаматы болып, ел аумағында тұратын үміткерлер;
Қазақстандық жоғары оқу орындарының бакалавриат, магистратура немесе интернатура студенттері, сондай-ақ ғылыми қызметкерлер;
Жаратылыстану ғылымдары, математика және статистика, ақпараттық-коммуникациялық технологиялар, инженерия, өңдеу және құрылыс салалары немесе денсаулық сақтау бағытында білім алатын не жұмыс істейтін үміткерлер;
GPA көрсеткіші 3,3-тен төмен емес және ағылшын тілін B2 деңгейінде немесе одан жоғары меңгерген үміткерлер;
Ғылыми жетістіктері бар, белгілі бір зерттеу саласына қызығатын және PhD бағдарламасына түсіп, Қазақстанда ғылыми қызметін жалғастыруға ниетті үміткерлер.
Қажетті құжаттар:
- Жеке куәлік көшірмесі;
- «Мен жүзеге асырғым келетін зерттеу» тақырыбындағы эссе;
- Транскрипт;
- Тиісті диплом;
- Түйіндеме.
Қосымша ретінде ғылыми сертификаттар, әлеуметтік белсенділік пен волонтерлік қызметті растайтын құжаттар, жарияланымдар және ұсыным хат тапсыруға болады.
Өтінім мен эссе қазақ, орыс немесе ағылшын тілінде қабылданады.
Өтінім қабылдау мерзімі: 2026 жылғы 4 қараша, Астана уақытымен сағат 15:00-ге дейін.
Толық ақпарат пен өтінім беру тәртібі — Shakhmardan Yessenov Foundation қорының ресми сайтында.
Ғылыми әлеуетіңді дамытып, халықаралық тәжірибе жинақтау мүмкіндігін жіберіп алма!
